B. L. GUILLAUME RONDELET, docteur en medecine, & Chancelier de l'Université de Montpellier, en laquelle ville il nasquit, le 27. jour de Septembre l'an 1507. Il a escrit l'histoire des Poissons, tant en Latin qu'en François, imprimee à Lyon: sa vie a esté descrite par Laurent Joubert, son successeur à Montpellier &c. Il mourut l'an 1566. le troisiesme jour de Juillet, l'an de son âge 58. Il a escrit plusieurs doctes oeuvres en Latin, estant estimé le premier de son temps, pour la medecine, & recherche des secrets en nature.