B. L. JEAN DE CAVMONT Langrois, ou né en l'Evesché de Langres, docteur és droits, Advocat au Parlement de Paris, &c. Cetuy-cy est un homme bien docte & treseloquent, & prest pour discourir promptement de tous subjects proposez touchant les arts liberaux, & autres disciplines, desquelles choses il a fait preuve devant la Majesté du Roy Henry 3. par plusieurs & diverses fois. Ses disputes ou propositions prononcees par luy de vive voix devant le Roy de France & autres, ne sont encores imprimees. Il a escrit un advertissement au Roy pour le Royaume de France, imprimé à Bordeaux. Traicté contenant cette dispute, sçavoir s'il est loisible de chastier le fils pour le delict du pere, escrit en Latin & en François par l'autheur. Il florist à Paris cette annee 1584.