ADAM FUMEE gentilhomme Parisien, sieur des Roches en Touraine, homme docte és langues, poëte François, Math. J. C. orateur, historien & philosophe, Maistre des requestes de l'hostel du Roy, frere aisné de Monsieur FUMEE Evesque de Beauvais & Pair de France, &c. Il a escrit plusieurs oeuvres non encores imprimees. Il mourut au Mans en l'Abaye de la Cousture (auquel lieu il faisoit sa demeure ordinaire, avec sondict frere qui en estoit Abbé) l'an 1575.