GERMAIN PILLON Parisien, issu du pays du Maine, car son pere estoit né de la paroisse de Loué, à six lieues du Mans, qui estoit aussi le lieu de la naissance d'Abel Foullon, duquel nous avons parlé au commencement de ce livre, ce que je repete pour l'amour de mon pays. Cestuy-cy est des plus excellents Statuaires de Paris, voire de toute la France, comme il se voit par tous ses ouvrages, tant à Paris qu'en divers lieux de France tant ingenieusement elabourez. Je desirerois qu'il voulust mettre les secrets de sa science en lumiere, pour servir à ceux qui font profession de cest art. Il florist à Paris cette annee 1584.