CLAUDE DE BUTET, gentil-homme Savoisien, voy cy apres Marc Claude de Butet.

B. L. MARC CLAVDE DE BVTET, gentilhomme Savoisien, tres-excellent Poëte & bien aimé de son Altesse, soit pour les Mathematiques ou autres disciplines esquelles il est for bien versé. Il a escrit une Ode de la paix, imprimee à Paris chez Gabriel Buon l'an 1559. Le premier & second livres de ses vers François, ensemble l'Amalthee, imprimez à Paris par Michel Fezandat l'an 1561. Le troisiesme livre de ses vers François, auquel il louë la vertu des plus illustres personnes de son pays. Il n'est encores imprimé. Il a escrit quelques poëmes contreBerthelemy Aneau de Bourges &c. L'histoire de Job, escrite en vers François, non encores imprimee. La Maison Ruinee, non imprimee. Epithalame ou Nosses de Philibert Emanuel, Duc de Savoye, & de Madame Marguerite de France, Duchesse de Berry, soeur unique du Roy, imprimé à Paris l'an 1559. chez Robert Estienne. Je n'ay pas cognoissance de ses autres escrits Latins ou François, pour n'avoir jamais eu ce bien de le voir ou cognoistre. Il florist en Savoye cette annee 1584.