FRANCOIS DE LA GUILLOTIERE natif de Bordeaux, comme luy mesme me l'a asseuré, & selon que A. Thevet a escrit de luy en sa Cosmographie au 2. volume livre 20. chapitre 9. &c. natif de S. Iean d'Angeli, &c. Il a mis en lumiere la description de tout le Royaume de Pologne, Duchez & Provinces jointes à iceluy avec ses confins, imprimee à Paris par Jean le Clerc, l'an 1573. La description du Royaume d'Austrasie, ou Austriche, ensemble de Trans-syluanie. Il a aujourd'huy entre mains toutes les cartes ou descriptions de France, lesquelles il espere mettre en lumiere en bref, lesquelles il a curieusement observees, selon la Chorographie, en laquelle il est des mieux versez de nostre âge, & a une extresme adresse pour la peinture. Il florist à Paris ceste annee 1584.