B. L. GUILLAUME LE BRETON, Nivernois seigneur de la Fon, homme docte en Grec, Latin & autres langues, Poëte Latin & François, autrefois Advocat au Parlement de Paris. Il a escrit la tragedie d'Adonis, imprimee à paris 1579. en quoy il faut remarquer, qu'en ce livre il est nommé Gabriel le Breton au lieu de Guillaume, mais je croy que cette faute sera corrigee és secondes impressions de son livre. Il a davantage escrit plusieurs autres tragedies & comedies Françoises, entre lesquelles sont celles-cy, Tullie, Charite, Didon, Dorothee & autres poëmes de son invention non encores imprimez. Il florist ceste annee 1584.