B. L. GUY DE LESRAT, sieur des Briotieres, gentilhomme Angevin, president & lieutenant general en la Seneschaussee d'Anjou, frere puisné de Messire Guillaume de Lesrat president en Bretagne, tous deux enfans du defunct president d'Angers, nommé Guillaume de Lesrat &c. desquels nous parlerons en leur lieu. Cetuy-cy a mis en lumiere, les doctes remonstrances, faites & prononcees par luy-mesme, à l'ouverture des plaidoiers d'Angers, le jour de la S. Martin, imprimees à Paris. Il florist cette annee 1584. je n'ay point cognoissance de ses autres oeuvres.