B. L. MARTIN SEGUIER, conservateur des privileges Apostoliques en l'Vniversité de Paris. Il a escrit une epistre qu'il a envoyee à un gentilhomme François, estant en Almagne, imprimee à Paris par Federic Morel, l'an 1580. Prieres du Roy, Souspirs du bon Pasteur, Oraison penitentielle, Oraison pour le matin, Priere pour le soir, Expositions de quelques hymnes de l'Eglise, le tout composé par ledit Martin Seguier, & imprimé à Paris l'an 1578. par Federic Morel. Il a davantage escrit un traicté de la grandeur, puissance, bonté & sapience de Dieu, redigee en paraphrase sur trois psalmes de David. L'Exposition de quelques hymnes de l'Eglise en pareil nombre de vers & de syllabes que le Latin, le tout imprimé ensemble par Nicolas Chesneau, l'an 1575. à Paris, auquel temps il florissoit audit lieu.