LAVRENT BOCHEL natif de Crespy en Valois, Advocat au Parlement de Paris, homme docte & ayant de bonnes lettres. Il a escrit l'histoire de Valois, & celle de Navarre aussi, lesquelles il espere mettre bien tost en lumiere. Il florist à Paris cette annee 1584. Nicolas Bergeron Valesien, Advocat au Parlement de Paris, homme tresdocte, a pareillement escrit quelques Memoires touchant le Duché de Valois, lequel livre il a intitulé Le Valois Royal, comme nous dirons par cy apres en son lieu.