ANNE DE LAUTIER dame de Champ-baudouin, veufve de Monsieur Groslot, Conseiller du Roy en son privé conseil &c. Niepce de Monsieur le General Lautier, duquel nous ferons mention cy apres. Ceste Damoiselle est si heureusement douee des graces requises aux dames vertueuses & doctes, qu'elle ne merite tenir les derniers rancs, entre celles qui honorent la France, par leurs doctes escrits: car elle a cognoissance de la langue Latine, elle sçait fort bien escrire & en prose, & en vers, & n'ignore pas les mathematiques. Elle n'a encores rien mis en lumiere de ses compositions. Elle florist à Pariscette annee 1584.