B. L. BERNARDIN DE SAINCT FRANÇOIS, gentil-homme du Maine premierement Conseiller d'Eglise à Paris, depuis Maitre des Requestes de l'hostel du Roy, Abbé de Fontaine Daniel au Maine, Prieur de Grandmont, & en fin Evesque de Bajeux en Normandie. Il estoit fort docte en Grec, en Latin, & François. Il a escrit plusieurs poësies Françoises, non encores imprimees. Il fut deputé par les Estats de Normandie, pour les Estats tenuz à Blois soubs Henry 3. Il peut avoir escrit plusieurs autres choses, non encores imprimees. Il mourut au Maine l'an 1582. en Juillet âgé de 53. ans ou environ. Il se voit quelques sonnets de luy, avec les amours de Francine escrits par J. Antoine de Baif.