B. L. ESTIENNE DE LVSIGNEN, natif de la ville de Nicossie au Royaume de Cypre, issu de la Royalle maison de Lusignan, Rois de Cypre, religieux de l'ordre des Jacobins, ou freres prescheurs &c. Il a escrit la description de toute l'Isle de Cypre, imprimee à Paris chez Guillaume Chaudiere l'an 1579. L'histoire contenant une sommaire description des Genealogies, alliances, & gestes de tous les Princes & grands seigneurs, qui ont conmandé és Royaumes de Hierusalem, Cypre, Armenie & lieux d'alentour, imprimé à Paris l'an 1579. chez Guillaume Chaudiere. Les chroniques de Cypre. La defense des religieux, contre ceux qui soustiennent que l'habit de religion, est seulement pour les pauvres inutiles & paresseux, & non pour les riches & de noble maison &c. imprimé à Paris chez Charles Roger l'an 1581. Il a escrit un for ample traicté des genealogies des maisons les plus nobles de toute la chrestienté, lesquelles il espere faire imprimer en bref. Il a mis en lumiere celles de Valois, Bourbon, & Lusignan, imprimees à Paris chez Jean le Clerc, & autres. Il florist à Paris cette annee 1584. âgé de quarantesept ans.

F. ESTIENNE DE LVSIGNAN de l'ordre des freres Prescheurs ou lacobins, &c. Il a escrit (outre ce que nous avons recité de luy cy devant) plusieurs genealogies d'aucunes maisons tresillustres, sçavoir est celle des Ducs & Princes de la tresillustre maison de Lorraine, non encores imprimee. Il l'a dediee & presentee à Monseigneur le Duc de Guise, Henry de Lorraine. Genealogie des Contes de Bologne sur la mer, non encores imprimee. Il l'a dediee & presentee à la Roine mere du Roy de France treschrestien. La defense de tous les ordres de religion, contre les mespriseurs & contempteurs d'icelle, non encores imprimee. Les Genealogies de 50. ou 60. maisons les plus illustres, qui ont pris leur source & origine de Thierry ou Theodoric 2. du nom, Roy de Bourgongne & d'Austrasie. Elles ne sont encores imprimees. Il florist à Paris cette annee 1584.