B. L. ESTIENNE PASQUIER Parisien, l'un des plus eloquents Advocats de la cour du Parlement de Paris, & des plus doctes, Poëte Latin & François, historien & orateur &c. Il a escrit six livres de recherches ou anciennetez de la France, desquels les deux premiers ont esté imprimez en divers lieux, tant à Paris qu'à Orleans. Le Monophile ou seul-aymant, qui est un discours en prose, touchant l'amour, imprimé à Paris par deux ou trois fois. le pour parler du Prince, imprimé avec ses recherches. Les ordonnances d'amour, imprimees au Mans & en autres lieux, soubs noms dissimulez, le 26. Arrest d'Amour, Plusieurs vers sur la pulce, imprimez chez l'Angelier l'an 1582. Il a prononcé plusieurs tresdoctes oraisons, tant au Parlement qu'en autres lieux, lesquelles ne sont encores imprimees. Je feray mention de ses oeuvres Latins autre part. Il florist à Paris cette annee 1584. non sans s'estudier à profiter au public, en toutes façons treslouables.