GUILLAUME DE S. DIDIER, gentilhomme, natif du pays de Velay, Poëte Provençall'an 1185. Il a traduit de Latin en rithme Provençale, les fables d'Esope. Il a davantage escrit un for beau traicté de l'Escrime. Il mourut l'an 1185. ou environ. C'est une rencontre bien memorable de ce que il se trouve, que un autre gentilhomme du mesme surnom, de mesme qualité, & de mesme pays, ayt à quatre cent ans apres la mort du susdit Guillaume, escrit un livre de l'Escrime: qui est Henry de S. Didier, lequel a fait imprimer son livre de l'Escrime à Paris, depuis dix ans en ça, comme nous dirons en son lieu.