B. L. HIEROSME DE LA VAIRIE gentilhomme du Maine, sieur dudit lieu & de la Vaudelle, au bas pays du Maine, appellé vulgairement le pays de Nuz ou Nustrie, &c. Poëte Latin & François, Theologien, orateur & historien. Il a traduit en François les harangues de Thucidide & de Tite Live, non encores imprimees. Il a davantage traduit l'histoire Romaine de Tite Live le plus renommé historien de son temps, laquelle n'est encores imprimee: il la fist transcrire au Mans, par un escrivain nommé Meserette, pour la faire imprimer. J'ay apprins cecy de Georges du Tronchay sieur de Balladé, duquel nous avons parlé en son lieu.