GREFIN ARFAGART, sieur de Courteilles en Normandie, & de Courteilles au Maine, (qui sont deux seigneuries de mesme nom, & separees en divers lieux) Chevalier du sainct Sepulchre &c. Il a escrit le voyage qu'il a fait en Hierusalem, & au mont de Sinay l'an de grace 1533. avec frere Bonaduenture Brochard, de l'ordre des freres Mineurs de la province de France, du convent de Bernay &c. (duquel nous avons parlé cy devant.) Ledit voyage n'est encores imprimé. Il se voit escrit à la main en plusieurs maisons du pays du Maine & autres lieux. Ledit sieur de Courteilles a esté en voyage audit lieu de Hierusalem par trois diverses fois: la fille unique duditChevalier, est femme de Monsieur de Juigné au Maine, surnommé le Clerc.