B. L. JAQUES MANGOT Parisien, maistre des Requestes de l'hostel du Roy, & Procureur general de sa majesté en la Chambre des Comptes à Paris, fils de Claude Mangot de Loudun en Poictou, tant renommé pour la jurisprudence, & pour les consultations des procez, esquelles il s'employe tous les jours au Parlement de Paris, &c. comme nous avons dit cy devant à la lettre C. Cettuy-cy nommé Jaques, a escrit plusieurs beaux discours des procez qu'il a eux entremains, & entre-autres celuy de Monsieur le General Bohier, imprimé à Paris chez Pierre l'Huillier l'an 1583. L'on appelle ces discours là vulgairement Factums de procez &c. Il florist à Paris cette annee 1584. & esperons voir de luy choses qui tesmoigneront de ses penibles estudes és bonnes lettres & sur tout en sa profession.