B. L. JEAN PREVOST docteur en Theologie, Curé de l'Eglise de Sainct Severin à Paris, homme for docte & bien versé en sa profession, & autres sciences liberales. Il a escrit plusieurs Oraisons funebres, lesquelles il a prononcees aux obseques d'hommes & femmes illustres, & entre autres, celle de Messire Chrestofle de Thou, premier President de Paris, prononcee en l'Eglise de S. André des Arts à Paris, l'an 1582.le 14. jour de Novembre, imprimee à Paris chez Mathurin Prevost l'an 1583. Il florist à Paris cette annee 1584. non sans se travailler pour annoncer & prescher la parole de Dieu, tant en son benefice de S. Severin qu'en autres lieux de Paris.