JEAN DE VALIECH Tolosain, homme des plus heureux pour faire les anagrammes que j'aye point cogneu apres Messieurs d'Aurat & de Rossant. Ce seigneur de Valiech a composé un Calendier historial, lequel il n'a encores fait imprimer. Il nous en a autresfois communiqué & monstré ses desseins, pour en faire encor un plus ample que le susdit. Il ne les a encores fait imprimer, non plus que ses recueils d'Anagrammes de plusieurs illustres hommes & dames, avec beaucoup de Sonnets & autres poësies Françoises, tant de son invention qu'autrement. Il florissoit à Paris l'an 1571. Je ne sçay s'il est encores vivant.