B. L. JEAN ESTIENNE DVRAND Tolosain, premierement Advocat general au Parlement de Tolose, & depuis premier President en icelle Cour. Ce seigneur Durand a composé une tresdocte exhortation à la noblesse de France, touchant la fidelité & obeissance qu'elle doit à son Roy, imprimee à Tolose & à Paris, & autres divers lieux sans que ledit Sieury ayt voulu mettre son nom, non pour qu'il y eust rien que de bien dit en icelle, mais pource qu'il est peu curieux de l'honneur mondain, mais seulement desirant de profiter au public par tous les moyens qu'il voit leur pouvoir servir. Il a davantage recueilly plusieurs arrests tresnotables donnez au Parlement de Tolose, & autres lieux, lesquels ne sont encores en lumiere, non plus qu'un nombre infiny de tresdoctes & tresmemorables playdoiez prononcez par luy audit Parlement, durant son estat d'Advocat & encores depuis. Il florist à Tolose ceste annee 1584.