R. P. M. FRANCOIS DE JOYEVSE, Archevesque de Narbonne & Cardinal, frere puisné de Messire Anne Duc de Joyeuse Païr & Admiral de France, &. Ce seigneur a tellement les lettres en recommendation, & est tant desireux d'apprendre les langues, & les arts necessaires à sa profession (comme lon peut aiseement le juger, par le grand nombre d'hommes doctes, qui ont accez en sa maison, pour les raisons susdittes) que celà me fait esperer de voir un jour sortir de son divin esprit, quelques oeuvres qui seront tesmoins irreprochables de ses labeurs, & veilles continues à l'exercice de Pallas. Il florist ceste annee 1584. soubs Gregoire 13. & Henry 3. Roy de France.