ANNE SEGUIER, Dame de la Vergne, femme en premieres nopces dudit feu Sieur du Prat, Baron de Thiert, & en secondes, de Monsieur de la Vergne, premier Chambellan de son Altesse. Elle merite le los deu à celles qui servent d'ornement à la France, pour estre une des accomplies Dames, & d'esprit, & de corps, que l'on y puisse voir. Ce qu'elle publie assez par ces doctes Discours, tesmoins de l'exacte cognoissance qu'elle a de l'Histoire, & de la Poësie Françoise, en laquelle elle s'est fort honorablement acquittee, nous ayant fait part de plusieurs beaux vers Chrestiens, accompagnez d'un Dialogue en prose, de Vertu, Honneur, Plaisir, Fortune, & la mort. Elle florist ceste annee 1584.