B. L. JEAN LE BON, HETROPOLITAIN, c'est à dire d'Autre-ville, pres Chaumont en Bassigny, Medecin de Monsieur le Cardinal de Guise l'an 1572. Il a escrit plusieurs livres soubs noms deguisez, desquels je feray mention autre part, n'estant ma deliberation de reciter icy autre chose, que ce qu'il desire bien estre sceu de tous, avoir esté escrit par luy, sçavoir est l'oraison ou invective, contre les Poëtes confreres de Cupidon, & rithmalleurs François de nostre temps, imprimee à Roüen l'an 1554. soubs le nom de Jean Nobel, qui est son anagramme. La philosophie d'Adamant Sophiste, interpretee par ledit Jean le Bon, imprimee à Paris par Guillaume Guillard. Adages & proverbes François, soubs le nom de Solon de Voge, imprimez chez Bonfons à Paris l'an 1576. Advertissement à Ronsard, touchant sa Franciade, imprimé à Paris par Denis du Pré l'an 1568. Lucien de la beaulté, traduit par Jean le Bon, & imprimé à Paris l'an 1557. Dialogue du Coural, imprimé à Paris chez la veufve de Nicolas Chrestien 1557. Poëmes contreJaques Grevin Medecin. Je ne sçay s'ils sont imprimez. Etymologicon François, imprimé à Paris chez Denis du Pré l'an 1571. Traduction du livre de Galien, de la mutation du corps & de l'ame. Le tumulte de Bassigny, imprimé à Paris par Denis du Pré l'an 1573. Abregé de la proprieté des Bains de Plommieres en Lorraine, imprimé à Paris chez Charles Macé l'an 1576. Il a traduit les cinq livres des antiquitez de Berose Chaldeen. Philippique, contre les poëtastres, & rimailleurs de nostre temps, imprimé soubs le nom de J. Macer. Traicté de Galien, que les moeurs de l'ame suyvent la complexion du corps &c. imprimé à Paris chez Guillaume Guillard l'an 1556. Paradoxe de la langue Françoise. Polemon. Plusieurs Epistres envoyees à plusieurs de ses amis, imprimees avec ses autres oeuvres. Oraison du Rhin, & des terres appellees Communes, qui sont deça & delà le Rhin. L'Histoire de France, promise par ledit Jean le Bon (mais je ne sçay si elle est bien advancee.) La Grammaire Françoise. L'oraison d'Isocrates, touchant la louange d'Helene. Traicté de l'origine de la rithme. Recueil des epitaphes qui sont au cemetiere des Sarrazins en Lorraine. La Hierarchie de Paradis. Ces oeuvres susdites ne sont encores en lumiere: quant à ses Latines, j'en feray mention autre-part, & discouray amplement de la vie dudit Jean le Bon, pour beaucoup de raisons, car il a fait parler de luy en son temps, pour beaucoup d'occasions dignes de remarque.